Y Pwyllgor Cyfrifon Cyhoeddus                                    
Public Accounts Committee

Christine Chapman

Cadeirydd

Y Pwyllgor Cymunedau, 

Cydraddoldeb a Llywodraeth Leol

31 Ionawr 2014

Annwyl Christine

Y Gymraeg

Diolch ichi am eich llythyr dyddiedig 28 Ionawr 2014 yn gofyn i bwyllgorau ystyried eu dull presennol o graffu ar y Gymraeg ac yn holi am farn ynghylch y ffordd orau o symud ymlaen gydag ystyriaethau'r Gymraeg yn y broses o graffu ar y gyllideb.

Fel y gwyddoch, rôl y Pwyllgor Cyfrifon Cyhoeddus (y Pwyllgor) yw sicrhau gwaith craffu priodol a thrylwyr o wariant Llywodraeth Cymru ac mae gennym y potensial o fewn y cylch gwaith hwn i ystyried economi, effeithlonrwydd ac effeithiolrwydd gwariant Llywydraeth Cymru ar ddarpariaeth y Gymraeg.   Byddwn yn parhau i weithio i fewn y cylch gwaith hwn.

O ran y broses o graffu ar y gyllideb, fe gofiwch i mi, fel Cadeirydd y Pwyllgor, ysgrifennu atoch i dynnu sylw at y mater o graffu ar y ddarpariaeth Gymraeg i oedolion i graffu arni yn ystod cylch cyllideb blynyddol 2014/15. 

Yn ddiweddar, hefyd, mae'r Pwyllgor wedi mabwysiadu cyfres newydd o arferion gwaith sy'n cynnwys cynnal gwaith graffu helaethach cyn gwariant.  Un o ganlyniadau hyn fyddai i'r Pwyllgor gyflwyno adroddiad annibynnol i'r Cynulliad, i fod yn rhan o broses flynyddol y gyllideb, yn deillio o ddull wedi ffocysu rhagor ar ganfod materion gwerth am arian sy'n codi o waith y Pwyllgor drwy gydol y flwyddyn.

Yn gywir,

Darren Millar AC
Cadeirydd